“Rejeita Uma Luxu, PR Taur Toba Iha Banku Eskola”

,

Jornal Independente - Kuarta-feira, 21 Agusto 2013 

Prezidente Republika (PR), Taur Matan Ruak lakohi hela iha uma luxu ne’ebe prepara husi Ministra Financas, Emilia Pires, maibe hakarak hela hanesan povu kbiit laek ne’ebe to’o oras ne’e sei moris ho kiak no mukit iha area rural. 

Bainhira vizita Suku bermana, Prezidenti da Republika toba iha banku Eskola ida nia leten iha sala aprendisazen nian hodi hatudu ban ain ulun sira ne’ebe kaan hela iha uma luxu hodi haluha povu nia terus. 

“Prezidenti hakarak terus hamutuk ho nia povu sira, bainhira povu moris diak ona Prezidenti mos pronto tuur no toba iha fatin diak,” dehan asesor Politika Komunitaria, carlos dos Reis ‘Peloi’ iha Turiskai, Kinta (15/8). 

 Tuir nia, bainhira atu sai aman ba nasaun, laos buka diak deit, maibe tenke hamutuk ho povu hodi luta hasoru kiak ho mukit iha rai ida ne’e. 

 Ne’e duni, Prezidenti Republika hakatak toba iha fatin ne’ebe deit laos sai kestaun, maibe kestaun boot oinsa hamutuk atu liberta povu husi kiak no mukit. 

Iha fatin hanesan, Xefe Suku Luis Barboza hateten, foin primeira vez iha nia vida haree prezidenti Republika toba iha banku leten, tanba iha mundu tomak laiha prezidenti ida mak fo nia an toba iha banku leten. 

Haree prezisenti TL nian toba iha aula laran uza manta militar nian, ne’e hatudu katak nia hakarak moris hamutuk ho povu, lakohi soe nia povu ba moris mesak iha sofrementu nia laran. 

 Ne’e duni, sira husi komunidade Turiskai, liu-liu Suku Bermana sente kontente tebes ho Prezensa prezidente Republika nian. 

Tanba, Prezidenti ne’e laos buka fatin luxu, maibe nia toba iha ne’ebe deit, hakarak rona povu nia halerik no haree diretamente povu nia difikuldade iha terenu. 

.