“MP Investiga Hela MF”

.

Jornal Nacional Diario - Kinta-feira, 22 Agusto 2013

Ministeriu Publiku (MP), oras ne’e, halo hela prosesu investigasaun ba kazu Ministra Financas, Emilia Pires, ne’ebe deskonfia fo projeitu sosa ekipamentu Hospital Nasional Guido valadares (HNGV) ba kompanha Mac’s Metal Craft, ne’ebe Ministra Emilia Pires nia la’en Warren Mcleod, mak nu’udar sain ain.

PGR Jose Ximenes, Kuarta (21/8), iha Hotel ramelau hateten, prosesu investigasuan la’o hela, maibe la bele esplika klean liu ba publiku, tanba sei iha hela investigasaun nia laran.

 “Hau labele fo komnetariu ba kestaun ne’e lai, tanba segredu Justica, buat ne’ebe mak iha investigasaun ita tenke respeita nafatin,” esplika Jose Ximenes. PGR Jose Ximenes husu ba publiku atu hein deit katak, bainhira prosesu investigasaun ne’e iha ona, nia sei fo rezultadu ba publiku hotu.

“Ami investiga mak provas forte, ami halo akzuasaun hasoru ema ne’e, maibe karik provas la forte, ami sei arkiva kazu ne’e,” esplika Jose Ximenes.

Iha loron 03 fulan Abril 2013, Ministra Financas Emilia Pires, halo ona investigasaun iha Komisaun Anti Korupsaun (KAK) kona ba kazu fornesementu kama ba HNGV.

Ba kazu ne’e, KAK mos halo ona investigasaun ba ema lubuk ida, inklui eis Ministru saude, Nelson martins, Eis Vice Ministra saude,Madalena Hanjam, eis Diretor jeral HNGV, Odete Viegas, inklui Director balun iha Ministeriu Saude.

.