Maijen Lere: Veteranu Kaer Projeitu Sabraut; “Veteranu La Kaer Tan Projetu Defeza”

,

Jornal Nacional Diario - Kinta-feira, 22 Agusto 2013

Xefi Estadu Maior FALINTIL-Forca Defesa Timor-Leste (F-FDTL) Maijor Jeneral, Lere Anan Timur, promete katak kompania ne’ebe veteranus nian sei la kaer tan projeitu ne’ebe partensia ba defeza nian.

 Xefi Estadu ne’e hateten, Governu labele fo tan projeitu ba veteranus sira, tanba durante ne’e sira serivu la hun la dikin, halo projeitu barak mak laiha kualdiade.

“Hau nia maluk veteranu sira ne’e kaer projeitu naran halo sabraut deit mos tenki fo osan,” Hateten Lere ba Komunidade sira bainhira Inagura Postu F-FDTL nian iha Sub Distritu Tiliomar, Distritu Suai, sabadu (17/8), semana kotuk.

Nia hatutan, realidade mos barak ona kompania veteranu sira nian kuandu kaer projeitu sempre laiha kualdiade maibe obriga para atu kaer nafatin. “Hau husu ba governu para lalika fo tan projeitu ba veteranu sira ne’e,” sublina Lere.

Nia dehan, hanesan projeitu rehabilitasaun ba postu F-FDTL nian iha suku Lalauwa Sub Distritu Tiliomar, Distritu Covalima, ne’e kompania veteranu ida mak kaer maibe la iha kualidade, udan tu’un bee tama hotu iha postu ne’e nia laran.

“A’at mak ita hakarak hadia maibe hadia lakon osan kontinua ladiak,” dehan Lere. Entertantu, iha Diskursu prezidenti Republika, Taur Matan Ruak nian bainhira komemora loron FALINTIL bad ala 38, husu ba Governu konstitusional ba da lima atu lalika fo tan projeitu ba veteranus sira kaer projektu mak produs kualidade ladiak ba Estadu, veteranus nia naran mak foer.

Nune’e mos, Xefe Estadu Maior FALINTIL-Forsa Defeza Timor-Leste (F-FDTL) Maijor Jeneral (Maijen), Lere Anan Timur, husu ba Timor oan hotu iha nasaun ida ne’e atu labele hatudu mana iha tempu ukun rasik an ida ne’e. Maijor Jeneral Lere Anan Timur koalia kestaun ne’e tanba nia observa katak, Timor Leste ne’e nasaun riku ba mina rai entaun nasaun barak mak hakarak tau interese sira nia iha rai ida ne’e.

 Ho hanoin hirak ne’e, Maijen Lere kompara nasaun TL ne’e hanesan Feto Virgen ida tanba nasaun barak mak hadau malu atu kaben.

“Timor laos kiak maibe riku, uluk iha ailaran ami dehan Timor hanesan feti ida Virgen, katak ema aban bain rua hotu-hotu hadau Timor, maibe feto virgen ne’e ita nian, ita mate ka moris tenki hamutuk ho nia,” dehan Lere bainhira sai orador iha Seminariu Cruz Joven iha Paroquia Igreija Ave Maria Suai, sabado (17/8) semana kotuk. Lere haktuir katak, ema riku ne’e laiha maluk, so ema kiak mak iha maluk barak, hanesan Timor ne’e riku, ne’ebe maluk la iha.

 “Labele dehan Timor maluk barak, tanba imi haree nasaun Australia maluk ho ita maibe Australia hakarak ita nia riku, hanesan mos nasaun Indonezia ne’e tanba vizinu, nasaun rua ne’e sira hakarak ita nia riku deit, hanesan ita iha mina rai Suai, Viqueque iha ne’eba de’it, ita bele dehan iha nasaun rua ne’e sira laiha, dala ruma mina ne’e ita taka iha Timor Indonesia nian bele maran mos iha, ne’e mak ita tenki metin ba jerasaun foun,” dehan Lere.

.