Jornal Independente - Sesta-feira, 16 Agusto 2013
Organizasaun Concelho Popular Demokratico Republica Demokratico
Timor-Leste (CPD-RDTL), la konkorda ho politika dezmobilizasaun, tanba
misaun FALINTIL ba nasaun ne’e seidauk remata.
Koordenador CPD-RDTL, Antonio Ai-Tahan Matak hateten, funu nain sira
ne’ebe oras ne’e dadaun nakfilak ba veteranu kombatente ninia misaun
seidauk kumpri hotu.
Tanba, hafoin funu furante tinan 24 nia laran liberta rai, sei iha tan
misaun foun hodi liberta povu husi kiak no mukit.
“Kumpri ona libertasaun patria ho funu ba indepedensia total, sira
tenke hatutan misaun lulik kona ba libertasaun povu, tuir FRENTE ninia
prinsipiu filozofiku libertasaun patria no povu,” tenik nia, iha sede
CPD-RDTL, Balidi, Dili (15/8).
.
CPD-RDTL la konkorda no la simu, tanba dezmobilizasaun ne’ebe malae
sira hamutuk ho Timor-oan balun uluk halo hasoru organizasaun FALINTIL
iha Aileu, 2001 ne’e sala boot, ne’ebe sai fonte dezastre ba estadu no
povu maubere nian.
.
Sem comentários:
Enviar um comentário
Nota: só um membro deste blogue pode publicar um comentário.