“Projetu SEPFOPE Ba Kuinada, Hetan Despaisu Husi PM”

.

Jornal Independente - Tersa-feira, 06 Agusto 2013 

Projeitu emerjensia ba konstrusaun bareira iha parte Lahane Osidental ne’e hetan orientasaun direita husi Primeiru Ministru (PM) Kay Rala Xanana Gusmao iha fulan fevereiru liu ba. 

Hafoin hetan despaisu PM, Sekretariu Estadu para Politika Formasaun Profesional no Empregu (SEPFOPE) Ilidio Ximenes foti desizaun ikus hodi fo prozeitu ba nia kuinada rasik Olimpia Ximenes nu’udar kompania na’in World Construction & Excavation, tanba priense rekijitus tuir prosedur legal. 

SEPFOPE Ilidio rekonese obra ne’e lolos kompetensia Ministeriu Obras Publiku nian, maibe nia hala’o servisu ne’e tuir orientasaun PM Xanana, tanba iha momentu ne’eba akontese udan boot halo bee sa’e komunidade nia uma unklui ameasa komunidade hela besik iha Mota ninin. 

PM Xanana tuun diretamente kedas ba iha fatin akontesementu hodi ba haree, no iha tempu ne’e kedas PM hatudu SEPFOPE mak responsabliza ba area emerjensia hirak ne’e, inklui iha Suku Lahane Osidental rasik.

 “IHa momentu ne’eba Pm Xanana rasik bolu ami lubuk ida i bolu hau diretamente, indika dehan atu SEPFOPE halo atuasaun imidiatamente ba fatin sira ne’ebe mak afetadu husi dezastre naturais ne’e, entaun PM tun rasik ba lokasi no dehan, ida ne’e SEPFOPE mak halo,” Hateten Sekretariu Estadu iha nia servisu fatin, Kaikoli, Dili. 

Nia dehan, antes projeitu ne’e hahu, ekipa enjineiru SEPFOPE tuun ba baze hodi haree material kompania ne’ebe mak atu kaer projeitu, nia hatutan, kompania haat mak iha suku Lahane Ocidental, nune’e kompania hirak ne’e kaer projeitu ida-idak, inklui kompania ne’ebe kaer projeitu ne’e rasik. 

Tanba ne’e, tuir nia katak, bainhira koalia kona ba nepotismu, koalia kona ba Conflict of interest, nia dehan, se ema iha ekipamentu, iha modal, nia fo servisu ba ema barak inklui nia iha konesementu diak kona ba konstrusaun Why not fo ida ne’e ba nia. 

‘Anaunser que hau husu osan mai hau nia bolsu porsentu 10 ne’e hau sala duni, atu halo ba suku nia diak, xefe suku noema mai no enjeineiru tun fali ba no ami hare hamutuk katak kompania ne’e bele ka lae, no xefe suku sira dehan servisu todan hanesan ne’e diak liu fo ba kompania sira nebe ekipamentu kumpletu, kompania ida ne’ebe kaer projeitu ne’e sei iha relasaunfamilia ho hau nia kaben,” dehan Ilidio. 

Data fiksu Konstrusaun ba barreira ne’e rasik hahu iha loron 16 fulan-Junu 2013, maibe lakonsege atinji to’o remata tanba impaktu husi rai no fatuk ne’ebe husi leten monu beibeik hodi adia to’o agora. 

Total orsamentu ba konstrusaun barreira ne’e rasik ho montante rihun U$481, 306.43 dolares Amerikanu. 

,