Jornal Independente - Sesta-feira, 16 Agusto 2013
Governu liu husi ajensia Dezenvolvimentu Nasional (ADN) fo konfiansa
ba kompania Sunrise Golden, hodi Pinta gabinete Primeiru Ministru.
Diretor kompania Sunrise Golden, Manuel de Araujo hateten, kada tinan
Governu sempre tau osan ba manutensaun hodi hadia edifisiu importante
sira hanesan palasiu Governu no edifisiu Ministeriu sira seluk atu
nune’e hare husi dook Luxu nafatin.
“Projeitu ne’ebe ami hetan hanesan pinta tamba komesa buradu ona,
orsamentu ba projeitu ida ne’e mos ki’ik, ne’e duni la presiza fo
(publika) sai volume orsamentu ne’e,” dehan nia, iha palasiu Governu
orseik.
Nia dehan, projeitu pinta nia durasaun fulan ida no ba oras ne’e iha
gabinete Primeiru Ministru nian kuartu Ualu mak remata ona.
“Tinan kotuk ami mak finta edifisiu iha palasiu Governu no tinan ida
ne’e ami pinta tan,” tenik Manuel.
Proposta ne’ebe kompania sira hatama ba gabinete Primeiru Ministru
defende ba analisis price, maibe kuandu Ajensia Dezenvolvimentu
Nasional (ADN) verifika la tuir analisis price, entaun tenke hatun
tuir presu ekipa tekniku sira nian.
Diretor kompania ne’e hatutan, sira nia servisu pinta deit iha
edifisiu andar okos Gabinete Primeiru Ministru tuir kontratu ne’ebe
sira asina entre kompania ho Governu.
.
Sem comentários:
Enviar um comentário
Nota: só um membro deste blogue pode publicar um comentário.