“PM Xanana Bandu Autoridade Impoin Forsa Hanehan Demokrasia”

.

Jornal Independente - Segunda-feira, 12 Agusto 2013 

Primeiru Ministru (PM) Kay Rala Xanana Gusmao bandu autoridade iha mundu atu impoin ho forsa hodi hanehan demokrasia, tanba sei fo impkatu negativu ba estabilidade nasaun nian. 

Tuir PM Xanana, iha illa pasifiku husi rai sanulu resin neen (16) mak hakarak halo mesak planu integradu atu bele fahe benefisiu husi dezenvolvimentu ne’ebe sei planeia iha planu integradu entre nasaun ki’ik sira. 

 Illa pasifiku ne’ebe besik malu hanesan Norte Teritoriu, Salomaun, Fiji inklui illa Pazifiku seluk tan tenki kria planu integradu ida, atu nune’e bele fahe benefisiu husi dezenvolvimentu, tanba se la’e nasaun boot sira mai na’ok hotu nasaun ki’ik sira nia riku soin. 

Primeiru Ministru fiji Konvida PM xanana Gusmao atu fo hanoin oituan kona ba Timor Leste nia esperensia no mos fo hanoin oituan kona ba saida mak Forum Ila de Pasifiku nia dezenvolvimentu ne’e bele debate no haree. 

 “Tanba kda tinan hau tuir beibeik Demokrasia Forum iha Bali, Indonezia hau mos dehan beibeik iha Forum Bali ne’e katak, Demokrasia ne’e ital abele impoin, demokrasia tenke lao neineik hola n ia abut iha povu, mais kuandu impoin sei sai sabraut hotu,” Katak Xanana, Kinta (8/8), iha Aeroportu Nicolau Lobato, hafoin filla husi Illa Pasifika. Tuir PM Xanana katak, Demokrasia iha Timor Leste respeita realidade rai ida nian, no tenke respeita kontestu rai ida nian ne’ebe lao neineik, labele impoin, tamba ohin loron ema moris livre no moris diak husi demokrasia. 

Xanana haktuir katak, iha nasaun balun impoin demokrasia ne’e mak hodi fo impkatu ba seguransa nasaun nia laiha estabildiade hanesan Libya, Ejitu halo tiha eleisaun hatuun fila-fali problema, Sirya oho malu no estraga malu. 

“Ne’ebe ita Timor Leste fo hatene ba autoridade iha mundu katak, hahalok ne’ebe la dun diak, ita haree funu Irake, Afganistaun tanba ditador, mas to’o oras ne’e mate loro-loron ho Bomba, tanba intervensuan husi liur ba intimida tiha povu mak sai sofre,” informa PM Xanana. 

Ho Problema ne’ebe nasaun konflitu sira hasoru, Illa pasifiku haree ba Timor Leste nia kazu, haree ba Timor Leste nia rekonsiliasaun ho Indonezia, haree ba Timor Leste nia prosesu hodi hatudu ba mundu katak, Demokrasia no estabilidade iha Timor Leste lao diak tebes. 

 Ho kestaun sira ne’e, Primeiru Ministru Fiji Konvida Primeiru Ministru xanana Gusmao hodi deskute no analiza kona ba mundu ne’ebe oras ne’e nakfilak, ne’ebe mak ekonomia mundial monu, krize boot ne’ebe afeita. 

Tuir nia, to’o ohin loron nasaun boot sira la kumpri, maske nasaun boot sira ne’e maka hakilar ba nasaun kiik sira, liu husi prinsipiu oioin, maibe nasaun boot sira ne’e mak autor hodi hamosu krize oi-oin, liu-liu krizi finanseiru mundial ninian. 

Xanana fo ezemplu, Banku balun naran boot iha mundu, maibe osan mamuk hela, bosok ema sai haraska hotu hanesan iha Amerika, Europea, liu-liu Espan Portugal, Fransa, Italia, Irlandia inklui Gresia ne’ebe to’o oras ne’e afeta krize finanseiru boot iha mundu. 

 “Ne’ebe buat sira ne’e hotu, sira nasuan boot maka halo, ita maka tahan hela deit, tanba ida ne’e mak ita temi ona paradigma foun katak ita estadu prosesu ida ne’e husi duador sira hakarak ajuda, bele ajuda, maibe labele halo forsa no labele impoin ba demokrasia iha rai seluk nian,” Relata Xanana Gusmao. 

Tuir nia katak iha pasifiku sira hanesan rai kiikoan, entaun laiha forsa atu koalia hasoru nasuan boot sira, tanba ne’e ba oin nasaun kiik sira tenke hamutuk iha Forum illa Pasifiku. 

.