Jornal Independente - Tersa-feira, 06 Agusto 2013
Komisaun nasional Diretu ba labarik (KNDL) identifika durante ne’e
mosu kazu abuzu seksual hasoru labarik idade kiik barak liu akontese
iha Distritu oekuse, Viqueque, Aileu no Ermera.
Senior Project Oficer ba asuntu Juvinil KNDL, Cipriano das neves,
informa kazu abuzu seksual ba labarik ne’e barak komete husi nia aman
rasik no nia aman hakiak.
Maski nune’e, KNDL la fo sai numeru ka presentazen husi kazu abuzu
seksual iha kada Distritu.
Cipriano dehan deit katak, bainhira rona informasaun ruma KNDL semre
tuun hodi halo klarifikasaun.
Maibe, nia hatutan, difikuldade ne’ebe KNDL enfrenta mak familia
lakohi atu lori kazu ne’e tuir dalan justica ho razaun kazu ne’e
rezolve tuir tuir dalan tradisaun ka kultura no taka tiha ona.
Tuir nia, dadauk ne’e labarik barak mak sai vitima ba kazu violensia
husi inan amana, soseiade, padrastu, no mos inan-aman hakiak, inklui
professor sira iha eskola.
Impaktu husi violensia hirak ne’e, Cipriano hateten, dala barak tanba
situasaun ekonomia ne’ebe mak la nato’on.
“Tuir monitorizasaun neebe mak ami halo, liu-liu iha area remotas nian
mak sempre hetan akontesementu sira, hanesan violensia domestika no
abuzu sekxual,” dehan nia iha sorumutu ho Forum Tau Matan (TFM) hodi
deskute kona ba direitu labarik iha Timor-Leste.
.
Sem comentários:
Enviar um comentário
Nota: só um membro deste blogue pode publicar um comentário.