“Lasama: Rekuinese MS Iha Problema Barak”

.

Jornal Nacional Diario - Segunda-feira, 26 Agusto 2013

Vise Primeiru Ministru Fernando Lasama de Araujo rekuinese katak, Ministeriu Saude durante ne’e hasoru problema barak nebe akontese iha Distritu Dili, liliu Hosipital Nacional Guido Valadares (HNGV).

“Hau mos akompana inklui mos akompania husi hau nia asesor sira halo servisu balun-balun problema kona ba Ministeriu saude (MS) ne’e barak duni, problema area saude durante ne’e barak duni maibe barak ne’e la’os iha reijaun mak barak maibe iha kapital Dili enjeralmente no HNGV mak barak liu i sira iha Distritu ne’e ladun, mesmu iha maibe HNGV mak barak liu,” hateten Lasama ba Jornal Nacional Diario Sesta (23/8) hafoin hala’o enkontru avaliasaun servisu Ministeriu saude nian iha palacio das Cinzas, Caicoli, Dili.

Vise Xefi Governu ne’e hateten, durante ne’e HNGV sai hanesan vensedor ba problema tamba iha ema balun mak hakarak halo propaganda tamba bele asesu ba media ne’ebe halo problema iha HNGV sai barak liu.

 “Hau hanoin iha ema ida rua mak gosta halo propaganda tamba sir abele asesu ba media nune’e halo problema barak maibe ida ne’e la’os problema ida ne’ebe labele rejolve, hau fiar katak sira nain tolu bele rezolve, tanba ne’e husu ba Ministeriu Saude no Vice nain rua atu esforsu, no fo atensaun atu nune’e bele lao ba oin,” Lasama enkoraja.

Nia mos salienta nudar ema Timor oan tenke esforsu hodi servisu ho responsablidade atu nune’e bele lori nasaun ida ne’e ba oin.

.