“Membru PNTL Envolve GAM Sei Halo Kumprimisiu Publiku”

.

Jornal Nacional Diario - Kuarta-feira, 14 Agusto 2013 

Policia Nasional Timor-Leste (PNTL), simu ona lista membru Policia ne’ebe involve an iha Grupu Arte Marsiais (GAM) husi Distritu 13, tanba ne’e iha tempu badak membru PNTL sira sei halo komprimisiu ba publikuhodi desidi sira nia distinu. 

 “Formulariu antes ne’e ami husi Komandu Jeral prepara fob a membru sira presta deklarasaun iha Koamndante Distritu 13, Unidade no Departementu sira agora tama hotu ona mai iha komandu Jeral nia liman, no agora ami halo analiza ba membru Policia ne’ebe mak antes ne’e involve GAM, sira labele tan envolve no husik pasadu nian ba kotuk haree ba servisu,” hateten Komandante Operasaun Nasional PNTL Superitendenti Xefi, Armando Monteiro, ba Jornalista sira iha Kuartel PNTL, Caicoli, Segunda (12/8). 

Nia hatutan, lista naran membru sira nia ne’e sai hanesan arquivu iha komandu PNTL atu nune’e bele hatene membru sira ne’ebe mak involve iha GAM ne’ebe deit. “Lista sira ne’e tama hotu ona ami sei halo serimonia komprimisiu ida hamutuk ho komandante Distritu 13, komandante Unidade no departemento sira hodi hatudu ba publiku membru involve iha arte marsiais ne’ebe deit,” dehan Armando. 

Armando hateten, agora komandu jeral PNTL simu ona lista hotu ona, no agora komandu sei alista membru sira nia naran hotu, depois mak sei publika ba publiku liu husi serimonia kumrimisiu, iha pasadu involve iha arte marsiais ne’e laiha problema, maibe hahu ba oin labele ba involve tan iha sira nia organizasaun,” dehan Armando.

.