PR Taur Hato’o Condolensia Ba Saudozo Nosilia “Presiza Tau Matan Ba Faluk Oan Kiak”

.

Jornal Nacional Diario - Segunda-feira, 19 Agusto 2013

Prezidenti da Republika (PR) Taur Matan Ruak ho Primeira Dama (PD), Isabel Ferreira hato’o sentidu Condolensia ba Saudozo Cornelio Antonio Xavier alias Nosili nudar mos Veteranu ida ne’ebe fo nia kontribuisaun hodi luta liberta povu husi invazor Indonesia.

PR Taur no PD hato’o sentidu Kondolensia ne’e liu husi ai-funan ne’ebe gabinete Prezidente da Republika lori no entrega hela ba familia matebian ne’e hodi tau iha matebian nia rate.

Ai-funan ne’ebe Gabinete Prezidensial intrega iha loron Kinta (14/8) iha Distritu baucau, hafoin mate isin veteranu ne’e lori ikas ba nia knua fatin waimanu-boe, Suku Wailili.

“Sentidas Condolensias Prezidenti da Republika no Primeira Dama,” hakerek iha aifunan sentidu kondolensia husi Prezidenti Republika no Primeira Dama. Prezidenti Republika Taur Matan Ruak labele partisipa iha serimonia funeral saudozu Nosili nian tamba preokupadu.

Matebian Nosilia mate iha loron Kuarta (13/08), iha Hospital Nasional Guido valadares (HNGV) tamba sofrementu kankru ne’ebe todan, nune’e doutor no espesialista HNGV nian lakonsege salva nia vida. Biografia matebian iha tempu rezistensia, Saudozu Nosili moris iha suku Wailili, Sub Distritu Baucau, Distritu Baucau, moris iha loron 16 fulan Setembru iha tinan 1964.

Iha loron tolu fulan Marcu iha tinan 1979, Saudozu Nosilio organiza an iha movimentu funu nian nudar kolaborador rezistensia nian.

 Iha fulan janeiru tinan 1980 to’o tinan 1987 Saudozu organiza an iha rede organiza an ho kompaineiru Agusto Pereira Gusmao Alia-Heu. Iha tinan 1988 sai hanesan Responsavel kaixa Inglatera Saudozu Alsino Vital Freitas alias samodok halo relasaun klandestina ho Saudozu Corneilu Antonio Xavier alias Nasilio ho ninia kompaineiru Jeronimu Antonio Xavier alias Naroman no Joao Ximenes alias Auseli.

Iha tinan 1989 hahu loke kaixa iha area Waimanu-boe, Suku Wailili Fatumaka de sima Sub Distritu baucau Distritu Baucau nudar sub-kaixa de inimgu ninia pozisaun, Saudozu ho ninia kompaineiru nain hat mak tuir mai, Jeronimu Antonio Xavier alias Naroman, Joao Ximenes alias Auseli, Alberto alias Mausiak no Abel alias Loiteri.

 Hahu tinan ne’e sira nain lima halo movimentu klandestina iha rai fatu-maka de sima hodi estuda pozisaun inimigu nian no fo manutensaun gerilia ba Falintil sira to’o tinan 1998 to’o loron 25 fulan Outubru tinan 1999 Saudozu assume kargu assiente CNRT/FPI Zona Fatumaka.

 Aliende ne’e, saudozu Nozilio mos hanesan professor hahu hanorin iha tinan 1990 to’o 1999. Saudozu Nosilio hakotu is iha loron 14 fulan Agusto tinan 2013 iha HNGV hodi fila hikas baa man maromak hodi husik hela nia fen no oan hamutuk nain hitu (Main 5 mane nain 2 feto).

 Nune’e, Saudozu Cirnelio Antonio Xavier kodigu Nosili husu ba Estadu atu tau matan ba faluk no oan kiak ne’ebe saudozu husik hela iha mundu.

 Antes ne’e veteranus ne’e hala’o ona tratamentu iha Hospital Nasional ne’e maibe tamba doutor no espesialista sira iha Hospital refere rende ba veteranu ne’e nia moras entaun doutor foti inisiativa hodi husu ba saudozu ba uma hodi hein prosesu iha Ministeriu da Saude (MS), nune’e bele halo tratamentu iha rai liur tanba saudozu mos nudar veteranu ida tanba ne’e lei fo dalan bele ba rai liur.

Makes nune’e, prosesu preparasaun dokumentu ba saudozu ne’e nian iha MS seidauk iha rezultadu maibe saudozu ne’e ho moras kankru ne’ebe todan liu entaun iha dia 13 fulan ne’e hetan fali atakasaun, nune’e familia sira lori ikas ba HNGV hodi halo tratamentu maibe loron tuir mai iha dia 14-8, saudozu hakotu nia is.

Iha loron ne’e kedas familia matebian lori kedas mate isin saudozu Nosili ba nia horik fatin, iha Aldeia Aimanu-boe, Suku Wailili, Sub Distritu baucau, Distritu Baucau hodi halo serim onia funeral.

 “Hau husu ba estadu tau matan ba mai tamba hau nia oan hamutuk nain hitu mos sei kiik hotu, seidauk bele halo servisu mesak,” ho laran triste espoza husi Saudozu Nosilio, Esmeralda dos Santos Conseicao, hato’o ba JNDiario, semana kotuk wainhira hala’o serimonia funeral iha saudozu nia moris fatin Waimanu-boe.

Saudozu Nozilio hamutuk ho nia kompaineiru nain hat, Jeronimo Antonio Xavier Alias Naroman, Joao Ximenes alias Auseli, Alberto alias Mausiak no Abel alias Loiteri henasan veteranu ne’ebe inllina an iha klandestina funu nian no servisu hamutuk ho FALINTIL sira iha ai-laran iha Zina Fatumaka de sima, Wailili.

.