“Governu Fo Subsidiu Ba Universidade Privadu”

.

Jornal Nacional Diario - Segunda-feira, 19 Agusto 2013 

Governu liu husi Ministeriu Edukasaun (ME) desidi fo subsidiu 1,7 milloens ba Universidade privadu 11 ne’ebe mak eziste iha Timor Leste (TL), ho objetivu hakbiit Universidade sira ne’e atu bele mobiliza an diak liu tan. 

Subsidiu Governu ne’ebe hato’o ne’e liu husi asina akordu ida entre ME ho Universidade 11 iha salaun Konferensia ME Vilaverde, Dili Sesta (16/8). 

Universidade privada ne’ebe mak hetan subsidiu ne’e kompostu husi UNPAZ (U$347,780,00), UNDIL (U$ 225,268.00), UNITAL (U$186,512.00), IOB (U$216,268,00), DIT (U$164,012,00), Institut Superior Cristal-ISC (U$177,512,00), East Timor Coffe Institut (U$86,256,00), Institutu de Professional da Canossa (U$81,756.00), Instituto de Ciencias Religiosas S. Tomas de Aquino (U$81,756,00), Ins, Catolico de Formacao de proferssores de Baucau, (U$81,756.00) Seminario Maior de fatumeta/Institutu de Filosofia e Teologia (U$81,756,00) total orsamentu U$ 1,730,632.00. 

Ministru Edukasan Bendito freitas hateten, orsamentu ne’ebe aprovadu iha Parlamentu Nasional (PN) ne’e iha kategoria subvensaun publiku nian, Ministeriu tau 2,5 milloens, maibe montante aplikadu ne’e provolta de 1,7 miloens tanba parte balun mos sei presiza. 

“Ita nia governu komesa fo subsidiu hahu husi 2011 ba Universitariu superior kona ba nesesidade ba ensinu nian, administrasaun ida hanorin koalia kona ba lian portugues no mos bele fasilita professor sira, dehan Bendito Freitas ba Jornalista sira. 

Bendito Freitas hatutan katak, apoiu Governu ne’e bazeia ba numeru de profesores, alunus, iha esperensia de universidade ida-idak nian. 

Tanba ne’e, Bendito Freitas espera katak, apoiu ne’e bele oituan maibe bele hadiak kualidade ensino superior tamba ensinu superior ne’e sai hanesan baze fundamental ne’ebe iha ligasaun ba merkadu de traballu nian iha vida professional.

,