Jornal Independente - Tersa-feira, 13 Agusto 2013
Komisaun Anti Korupsaun (KAK), Segunda (12/8), horsehik bolu eis
Ministru negosiu Estranjeiru no Kooperasaun (MNEK) Zacarias Albano da
Costa relasiona ho kazu balun ne’ebe akontese durante iha ninia
lideransa.
Eis Ministru ne’e marka prezensa iha edifisiu KAK iha tuku 09:47 ho
kareta mutin ida ho numeru matrikula 17458, hafoin hasoru malu ho
ekipa investigador KAK no remata iha tuku 10:50.
Ba Jornalista sira, Eis Ministru ne’e dehan, iha semana kotuk nia
hetan karta ida husi KAK atu sai sasin ba kazu balun ne’ebe akontese
durante ninian mandatu.
“Kazu ne’e kazu saida hau la bele dehan, akontese sa tinan mos hau la
bele dehan, atu korupsaun ka lae ne’e laos hau mak atu dehan sai,”
dehan Zacarias.
Nia hateten, nia parte hakarak kolabora ho justisa atu nune’e justisa
iha TL bele lao diak no justu.
“Kona ba pergunta ne’ebe mak ekipa investigador sira husu hau la barak
ida, mas perguntas sira ne’e importante ba ekipa investigador, sira
mak hatene, tanba sei segredu justisa,” dehan nia.
.
Sem comentários:
Enviar um comentário
Nota: só um membro deste blogue pode publicar um comentário.