Tender Fornese Ekipamento Hospital “Deskonfia ‘Manipula’ Folin”

.

Jornal Nacional Diario - Kuarta-feira, 21 Agusto 2013 

V Governu Konstitusional, liu husi Ministru Saude, Diresaun Aprovizionamentu deskonfia manipula folin ba projeitu ho numeru Ref IFB No. RDTL-MS-DNGFA-13-ICB-0046, espesifiku supplay no instalasaun equipamentu Hospital nasional ho Referal. 

Ministru Saude iha Komisaun Avaliasaun ba Proposta Capital Minor ne’ebe PreZide husi Jacinto M.D.G (Prezidenti), Daniel da C Pinto, (Sekretario), Olinda dos R. Albano (membru), Miguel s (Membru), Edgar F. de Assis (Vogal) iha loron, sabadu, (27/7/2013), loke dokumentus FI-Nacional Proposal husi kompania rua mak hanesan, Kompanha PT Gunung Mas jaya Santoso, ho Bid Security 2%, montante osan U$ 8.671.80, Bid Price, montante osan $ 8.671.80, Bid Price, montante osan $ 18.000,00 Bid Price $784,623,00. 

Bazeia ba rejultadu avaliasaun, ironi bo’ot mak iha loron 06 Agostu 2013, mosu publikasaun official ida husi Ministeriu saude ba Publiku katak, PT Gunung Mas Jaya Sentoso mak ejekuta servisu husi projeitu IFB.No. RDTL-MS-DNGFA-13-ICB-0046, ho montante orsamentu $ 724.279.00. 

Deskonfiansa ne’ebe mak iha, tanba sa mak tenki hasa’e orsamentu inisial rejultadu husi FI-Nacional Proposal ho montante $ 421.590,00 ba iha U$ 724.279.00. sera que restu osan montante U$ 302.689 atu uza ba saida?

Karik iha orsamentu audisional ba projeitu refere, nia rasiosinu iha ka lae, se avalaiasaun FI-Nacional proposal aprova iha loron, sabadu (17/7/2013, ho deit limitasaun tempu durante loron 13 nia laran (27/07/2013-13/08/2013) tenki hasae orsamentu ho montante ida wian tebes. 

 Perguntas seluk ne’ebe mak hamosu deskonfiansa, iha diferensia ba numeru referensia husi Publication of the award of contract (3.Ref.IFB No. RDTL-MS-DNGFA-13-ICB-0046) ho numeru referensia FINANCIAL PROPOSAL (IBF No: RDTL-MS-DNGFA-ICB-13-0046). 

 Hafoin tetu no estuda tiha manobrasaun ne’ebe mak mosu, tuir informasaun ne’ebe mak JNDiario asesu ba fontes konfirmadu iha Ministeriu Saude rekuinese katak, failansu ne’e mosu duni ba prosesu tenderizasaun projeitu ho numeru Ref IFB No. RDTL-MS-DNGFA-13-ICB-0046, espesifiku supplay no instalasaun equipamentu Hopsital Nasional no referal. 

 “Ne’e akontese duni, dokumentus sira ne’e tomak ekipa avaliasaun mak produs, realidade mak hanesan ne’e,” informa fontes ne’e. 

.