“PNTL Tenki Hakotu Ona Ligasaun Ho OAM”

,

Jornal Nacional Diario - Kuarta-feira, 07 Agusto 2013 

Prezidenti Republika (PR), Taur Matan Ruak, husu ba Membru Policia Nacional Timor Leste (PNTL) tenki hakotu ona ligasaun ho organizasaun Arte Marsiais (OAM) neebe mak oras ne’e dadauk Governu haruka taka. 

“Sujestaun ba PNTL katak tenki buka para atu bele hakotu sira nia ligasaun ho Arte Marsiais tolu ne’e, (PSHT, KERA SAKTI no KORK), arte marsiais ne’ebe mak foin lalais Governu Proibiu ne’e,” haktuir Sekretariu Estadu Seguransa (SES) Francisco Guterres ba Jornalista sira iha Palacio Prezidensial, Aitarak Laran, Dili, Tersa (6/8). 

Durante enkontru ho Chefe do Estado, SES Francisco haktuir katak, Prezidenti Republika kontinua husu ba PNTL atu mantein seguransa ha rai laran, nune’e bele asegura nafatin situasaun establidade iha rai laran para halo dezenvolvimentu ba oin. 

Nune’e, iha oportunidade ne’e SES Francisco mos informa kona-ba membru Policia ne’ebe mak involve iha OAM atu hili no husik arte marsiais no karik membru Policia mak la husik arte marsiais entaun instituisaun PNTL atu nune’e iha atuasuan terenu tuir duni lei no orden. 

 “Hau mos relata ba Prezidenti kona-ba PNTL sira ne’ebe involvidu ita husu ba sira para sira tenke desidi ou PNTL ou Arte Marsiais, se ba artemariais husik PNTL, ba PNTL sai husi arte marsiais para bele sai profesionalizmu sira nia atuasoens iha terenu para labele hare liu bap rte balun deit,” dehan Francisco Guterres. 

Nia informa liu tan katak, iha tempu badak komandu PNTL sei halo serimonia boot ida hodi identifika no husu desizaun husi membru PNTL nian ne’ebe maka tama iha arte marsiais atu sai ka kontinua iha PNTL. 

Nune’e mos informa kona ba atuasaun no servisu Bombeiros no seguransa Civil nian ba dezastre naturais ne’ebe mak akontese iha rai laran. 

.