“LH Konsidera Kalbuadi Dezenvolve Turizmu La Tuir Kultura Maubere”

.

Jornal Independente - Segunda-feira, 19 Agusto 2013 

Organizasaun Naun Govermnetal (ONG), Luta Hamutuk (LH) Konsidera Ministru Turizmu no Kultura (MTK). Kalbuadi Lay dezenvolve area turizmu la tuir kutlura Timor-Leste nian. 

 Diretor Ezekutivu Luta hamutuk (LH) Merciio Akara hatete, tuir planu ministeriu Turizmu no Kultura (MTK), la hatudu planu iha vizaun diak no koresponde ho kondisaun atual hanesan potensia turismu nian. 

Planu ne’e Ministru Turizmu (MT), la hatudu setor integradu sira hanesan baze apoiu ba dezenvolvimentu Turizmu em jeral iha Timor-Leste. 

“Ita haree Ministru Turizmu no Kultura (MTK), Kalbuadi Lay laiha pnau boot ba dezenvolvimentu Turizmu la tuir kultura ekolojiku Timor-Leste,” hateten Diretor Luta Hamutuk, Akara, ba Jornalista sira, foin lalais ne’e. 

Akara hatutan, agora turizmu relasaun ho Agrikultura, ambiente no mos infraestrutura baziku sira, maibe nia planu barak liu mak atividades serimonia no imitasaun kultura ne’ebe la refleta ho promosaun turizmu orijin. 

 Nia fo ezemplu hanesan Serimonia hanesan, Carnaval, Sunset market, Timorensia, Festival Caravana, Festival Ekonomia Solidari de Atauro, Festa de Natal, Ano Novu, Tour de Timor, Dili marathon, Pesca Desportiva, kompetisaun de fotografias marinhas, Corereida de beiro e cavalas no buat seluk tan. 

“Ami hanoin katak, atu dezenvolve potensia hirak ne’e, Xavi importante mak presiza tebes atu hadia infraestrutura no fasilidade baziku turistiku mak hanesan estrada, eletrisidade, hotelaria, MCK/sintina, trasportasaun publiku no dezenvolve Timor Leste tuir ninia orizinalidade,” hateten Akara.

 Diretor ONG Luta Hamutuk eziji ba Ministru Turizmu no Kultura tenke halo planu ne’ebe diak no sistematiku hodi dezenvolve infraestrutura baziku ba fatin turistiku sira hodi nune’e dezenvolve sub distritu sira ne’ebe potensialdiade ba area turizmu nian hodi bele sai destinadu turizmu. 

 “MTK tenke hamenus programa imitasaun no serimonial no fokus liu ba dezenvolvimentu turismu ne’ebe ho karakter no kultura Timor nian no halais liu movimentu transporte publiku no mos bele fasilita diak liu tan turista sira wainhira halo vuazen ba fatin turistiku sira,” dehan Mercicio Akara.

.