CARTA ABERTA - HNGV TENKE SAI HANESAN PRIORIDADE NASIONÁL!

.

KARTA ABERTA

Exelentísimu Señór Prezidente Repúblika,
Exelentísimu Señór Prezidente Parlamentu Nasionál,
Exelentísimu Señór Primeiru-Ministru,
Exelentísimu Señór Ministru Saúde,

Grupu sidadaun iha kraik ne’e hato’o kumprimentus ba V. Exas hodi husu katak ho Karta Aberta ida ne’e merese ba V. ho atensaun di’ak liu.

Artigu 75 husi ita nia Konstituisaun estabelese katak timór-oan hothotu iha direitu no ba asisténsia médika. Ida ne’e mak direitu ne’ebé fundamentál ba sidadaun tomak.

Maski nune’e, la’ós ida ne’e mak halo falta kondisaun bázika iha Hospital Nacional Guido de Valadares, sai pilar esensiál ida husi asesu ba saúde iha ita nia país, tantu husi ita nia irmaun sira ne’ebé mai lorloron husi parte lahanesan iha país ne’e.

Tanba ne’e, iha loron 26 Juñu, iha tuku 9:00 dadersan, ami sei hala’o asaun demonstrasaun pasífik ida, iha parke Lecidere, hodi fó atensaun husi ita nia governante sira atu profunda no dezumana falta kondisaun iha Hospital Nacional Guido de Valadares ne’ebé rezulta ema barak mak lakon vida ne’ebé tuir lolos sira bele halo, hirak ne’e hotu sira presiza no tenke evita.

La’ós atu trata de’it kona-ba vida hirak ne’ebé lakon tanba falta ekipamentu espesiál no materiál ne’ebé folin aas tebes hodi diagnóstiku no halo tratamentu (ne’ebé ita nia osan 12 biliões de dólares iha fundu petrolíferu karik bele sai hanesan prioridade ida hodi sosa, maibé mós husi vida barak mak lakon no iha barak seluk mak prejudika tanba haree ba:

i.Falta ekipamentu no materiál báziku no simples atu bele sosa, hanesan falta kuidadu báziku husi higiene ká aumenta posibilidade infesaun no difikulta ninia tratamentu, ezemplu la hamoos Hospital, haree ba didin-lolon no rai ne’ebé fo’er, falta bee iha hariis fatin, nst

ii.Ho degradasaun ne’ebé aat liu husi instalasaun Hospital nian mak presiza substansialmente hadi’a ho reparasaun simples, ezemplu kanalizasaun ne’ebé estraga ona, sistema eléktriku ho falla, rede moskiteira ne’ebé nakles ká, dala barak, buat hirak ne’e laiha sala ema moras nia fain, família sira tur namkari hela iha rai, laiha ai-han, iha ema moras sira nia hadulas ne’ebé sira mai hodi akompaña, ne’ebé mai husi país ne’e tomak , laiha fatin ida ne’ebé di’ak atu sira hela.

Hirak ne’e hotu iha de’it situasaun balun ne’ebé ema moras, enfermeiru no médiku sira lorloron hela de’it iha Hospital Nacional Guido de Valadares no timór-oan sira hothotu ne’ebé liu iha ne’ebá koñese di’ak.

Ne’e mak situasaun sira ne’ebé halo na’ok ema nia vida no la justifika loos tanba ita iha rekursu finanseiru sufisiente hodi hadi’a di’ak liu tan, alén iha problema atual barak mak presiza rezolusaun simples, presiza de’it mak kompromisu no organizasaun.

Ami hatene katak ita nia país foin mak ukun-aan no iha buat barak atu halo, ami koñese di’ak tebes difikuldade sira ne’ebé ita nia governante sira hasoru. Ita hetan bensaun barak ho rekursu naturais ne’ebé iha mak presiza uza ho atenzaun no kuidadu.

Ami hatene katak iha obra públika barak mak presiza realiza, hanesan estrada, ponte, edifísiu, buat hirak ne’e hotu importante ba dezenvolvimentu iha ita nia rain maibé haree ba estrada, ponte no infra-estrutura sira seluk tan, se ita nia povu laiha asesu ba tratamentu médiku ne’ebé di’ak no iha kondisaun minima iha sira nia país rasik?

Husi razaun sira ne’ebé aprezenta ona iha leten ami ho hakraik aan mai husu ba V. Exas ne’ebé bele interven ho urjénsia atu hadi’a kondisaun Hospital Nacional Guido de Valadares atu ne’e fó benefísiu ba ita nia populasaun no ba sira ne’ebé serbisu iha fatin refere.

Médiku, enfermeiru no profisionál sira seluk husi saúde iha direitu ba hetan fatin serbisu ida ne’ebé ho kondisaun ne’ebé di’ak.

HOSPITAL NACIONAL GUIDO VALADARES TENKE SAI HANESAN PRIORIDADE NASIONÁL!

Díli, 19 Juñu 2013,
Rosa M. Ramos Horta Carrascalão