“Veteranus Ameasa Halo Asaun Hasoru Australia”

.

Jornal Timor Post - Tersa-feira, 25 Junho 2013 

Organizasaun Veteranus no Kombatentes Libertasaun Nasional Timor-Leste ameasa halo asaun pasifika hasoru Governu Australia, wainhira laiha solusaun ba kazu Certaim Maritime Arrangement of The Timor Sea (CMATS). 

“Ami hanesan organizasaun Libertasaun nasional fo apoiu ba GOvernu Timor-Leste atu dada kadoras mai TL no ami la muda akordu ne’ebe governu TL ho Australia asina,” dehan Sekretariu jeral Organizasaun Kombatente Libertasaun nasional Timor-Leste, Jorge Alves. Ba Jornalista sira iha nia kna’ar fatin, taibesi, Dili, Segunda (24/6). 

Jorge hateten, nia la preokupa kompania Woodside ka Conochophilips mak halo esplorasaun ba mina ne’ene iha tasi laran, tanba ne’e kestaun tekniku, maibe politikamente kadoras tenki dada mai TL. 

 Entertantu, iha parte seluk, Ministru Petroliu no Rekursu Minerais (MPRM), Alfredo Pires hateten, Governu Australia fo ona resposta ba karta notifikasaun husi Governu Timor-Leste kona-ba prosesu arbitrazen ba kazu negosiasaun lina fronteira maritime (CMATS). 

Iha resposta ne’e, Australia pronto ona hodi hasoru malu iha tribunal arbitrazen, maibe prosesu ne’e rasik seidauk bele hahu, tanba sei hein tan fulan 6 atu nomeia prezidenti meza hodi lidera kazu ne’e. 

“Iha loron 19 Junu, Governu Australia responde no nomeia ona nia advogadu husi Universidade yayan, Amerika, agra sira nia advogadu ho ita nia advogadu husi Inglatera mak sei koalia ba malu atu hetan Prezidente da mesa ka terseira pessoa,” ital abele koalia diretamente ho ita nia advogadu nune’e mos sira, atu desidi kualker surat ida ne’ebe ita hakarak haruka ba ita nia advogadu Australia, tenki iha konesementu nune’e mos ita,” dehan Alfredo iha edifisu RTTL, Kaikoli, Segunda (24/6). 

 Husi parte Timor-leste desidi ona atu lori kazu ne’ebe ba Tribunal arbitrazen Longdres Inglatera, maibe hein pozisaun Australia nian. 

 “Karta responde ne’e hau rasik seidauk are, karta ne’e agora sei iha Primeiru Ministru xanana Gusmao nia liman, maibe klaru katak, Australia fo tiha ona resposta,” haktuir Alfredo. 

Timor-Leste hetan ona apoiu husi advogadu nain rua no ida ne’ebe Governu Timor-Leste nomeia ba prosesu arbitrazen mak advogadu ida hudi Londres, Inglatera ho naran Lord Colege. 

Advogadu husi Ibglatera ne’e nia funsaun boot iha Inglatera no liliu iha rai Elisabeth hanaran nia Lord College, ekipa advogadu husi Timor-Leste nian seluk mak, Professor Vong Law.

,