“PM Xanana Bandu Estudante Fuma”

.

Jornal Nacional Diario - Tersa-feira, 25 Junho 2013 

Primeiru Ministru (PM) Kay Rala Xanana Gusmao Aviza ba Diretor eskola mestre no mestra sira iha teritoriu Timor laran tomak atu eduka estudante sira hodi labele fuma. 

“Hau Lori doutor husi Australia ne’ebe mak hakarak halo kampania anti-smoking iha Timor, liu-liu ba eskola sira iha teritoriu Timor laran tomak atu labele fuma,” Apela xefe Governu Kay Rala Xanana Gusmao, iha implementasaun kampania Anti-fuma sigaru ba dahuluk iha Eskola Sekundaria Kay Rala iha Sub Distritu manututo Vila, Distritu manatutu, sabadu 922/6). 

Xanana haktuir, ohin nia fuma, doutor husi Australia ne’e konversa, ba PM xanana hodi la bele fuma sigaru. 

“Nia kumpriende maibe ema hotu tenki hatene katak, hau tenki fuma, hau fuma, tanba ne’e mak atu hala’o kampania boot ida ba anti-Smoking,” dehan Xanana. Xefe Governu ne’e dehan ba estudante no joven sira katak, maske imi matenek to’o ne’ebe maibe kuandu imi fuma, maka imi nia aten no imi nia fuan la dun diak, imi sei la servisu ho diak hodi servi rai ida ne’e. 

“Hau fo ezemlu ida ne’ebe akontese ba Vice Primeiru Ministru Fernando ‘La Sama’, agora iha hospital halo tratamentu ba ninian pulmaun ou nia fuan tanba aat,” Xanana haktuir. 

Xanana sublina katak, nia sei joven podeia iha saude atu servi didiak rai ida ne’e ohin loron nia tama iha hospital hodi halo operasaun ne’ebe halo kbi’it nu’udar ema reduz kedas ona. 

“Ne’e duni hau halo doutor ne’e halo kampania anti-smoking hahu husi eskola Sekundaria Kay Rala, noa hau husu ba diretor, mestre, no inan aman sira labele pemiti ona sira monu bas ala ne’ebe ami hetan,” Xanana apela. 

 Nia hatutan, Jovens mak futuru nasaun nian, tanba ne’e Joven sira tenki iha saude diak hodi servi povu no nasaun. 

“Hakarak sai matenek atu servisu rai ida ne’e, servi ba ho isin diak, rona ka la’e,” Xanana haklean. 

Xanana haktuir tan,” Timor Presiza jerasaun foun ne’ebe matenek no saudavel, matenek mos tenki saudavel, bele matenek to’o iha ne’ebe, kuandu kondisaun la diak, fuan la diak ita la produz buat diak, ne’e duni hau lori mai atu hahu kampania ida ne’e ba iha jerasaun foun para kria saude ne’ebe diak, nune’e buat ne’ebe uluk ita mehi sir abele hatutan ho diak,” Xanana dehan. 

,