“Longuinhos Sei Sai Komisariu UNPol??”

,

Jornal Independente - Segunda-feira, 17 Junho 2013 

Komandante Jeral Polisia Nasional Timor Leste (PNTL), Longuinhos Monteiro, hetan husu (penawaran) husi Nasoens Unidas atu sai Komisariu Polisia Nasones Unidas (UNPol) iha Guinea-Bissau. 

Tuir membru PNTL ne’ebe lakohi publika nia identidade katak, ONU halo hahu ona aprosimasaun ba Komisariu Longuinhos ba pozisaun ne’e. “Ami rona informasaun ne’e, nia atu sai komisariu Polisia ONU ba Guine-Bissau,” hateten Fontes ne’e. iha fatin ketak, Komisariu Longuinhos dehan nia hetan husu atu assume kargu boot ida, maski nune’e, nia la temi kargu boot saida mak nia sei asumi. 

“Hau oras ne’e mos hetan ona tawaran ida ke boot liu fali kargu ne’ebe mak oras ne’e hau asumi nu’udar komandante Jeral (PNTL),” hateten Longuinhos. 

 Maski nune’e, bainhira estadu Timor Leste fo nafatin konfiansa ba nia atu lidera PNTL, nia pronto atu hala’o kna’a ida ne’e. Maski nune’e, dala barak Longuinhos atu assume hikas kargu PNTL kloot oituan bainhira haree fali ba lei ne’ebe iha katak, atu sai komandante jeral hodi lidera PNTL tenki foti husi kareira professional. 

,