Jornal Nacional Diario - Sesta-Feira, 14 Junho 2013
Xefi Estadu Maior das FALINTIL-Forsa Defesa Timor Leste (F-FDTL)
Maijor Jeneral (Maijen), Lere Anan Timur, hateten Grupo Kriminozu sira
lalika mehi atu ukun Timor-Leste (TL) tanba nasaun Timor Leste hari’i
ho ruin no ran.
Lere hatutan, Joven sira ne’ebe kriminozu ne’e para de’it iha kadeia
no balun sei transforma an deit maibe atu hala’o interese Grupo ninian
iha interese nasuan nian ne’e lalika mehi.
“Grupo kikoan sira ne’e sira hanoin sira maka atu ukun Timor, sira
nunka mais, la ukun Timor, sira ne’e mak aban bain rua ba para iha
kadeia maka ne’e i balun transforma an mas halo tun halo sa’e para
sobre poin sira nia intereses iha interese nasaun ninian, sira labele
mehi ida ne’e,” hakilar Lere ba Jornalista sira iha Palacio
Prezidensial Aitarak Laran, Dili, Kuarta, (12/6) hafoin hala’o
enkontru semanal ho Prezidenti da Republika Taur Matan Ruak.
Tanba ne’e, Maijen Lere husu ba joven no populasaun tomak atu hakmatek
iha ida-idak nia fatin hodi hanoin ba ida-idak nia moris no dezenvolve
futuru sai diak liu tan.
“Timor ukun an ne’e laos maromak mak fo, ita hari’i ho ran ho isin,
husu ba ita nia Joventude, ita nia populasaun tur hakmatek, haree ba
dezenvolvimentu, haree ba futuru,” dehan Lere.
Xefi Estadu Maior F-FDTL ne’e hateten, kuandu joven ida mak halo krime
ba kadeia ne’e sei lakon nia futuru, tanba ne’e nia apela ba joven no
populasaun sira tur hakmatek hala’o serviso ida-idak nian.
“Joven ida 20 anos kuandu komete krimi ruma nia lakon nia futuru,
tanba ne’e maka hau apela ba joven sira hakmatek, tur iha ida-idak
ninia uma, hakmatek halo serviso, serviso laos ba gabinete deit maka
serviso, mas halo toos, halo natar serviso barak konforme, hanoin imi
nia futuru,” apela Lere.
Maske nune’e, Maijen Lere Triste haree Joven sira ne’ebe mak ho idade
kiik tama ona kadeia, tan Joven sira la hatene ona sira sai fali mai
sira nia futuru sai oinsa ona.
,
Sem comentários:
Enviar um comentário
Nota: só um membro deste blogue pode publicar um comentário.