Governasaun Atu La’o Diak: “CNJTL Dezafia PM Xanana Presiza Remodelasaun”

.

Jornal Nacional Diario - Sesta-feira, 21 Junho 2013 

Consellu Nasional Juventude Timor Leste (CNJTL), Dezafia Primeiru Ministru (PM) Kay Rala Xanana Gusmao, katak atu governasaun la’o diak presiza halo remodelasaun hodi troka membru Governu sira ne’ebe laiha kapasidade jere orsamentu no laiha planu atu ezekuta Orsamentu Jeral Estadu (OJE). 

 Prezidenti CNJTL, Levigildo Hornai hateten lia hirak ne’e ba JNDiario iha Centro Convencoes Dili (CCD), Kinta (20/6), wainhira partisipa inkontru Timor Leste And Development Partners Meeting (TLDPM). Prezidenti CNJTL ne’e hateten, durante partisipa iha inkontru TLDPM, iha Sosieade sivil barak mak kritika ona kona ba serviso Governu nian tanba ne’e, nu’udar Sosiedade sivil no CNJTL sira nia husu karik, iha Ministru no Sekretariu Estado balun mak lakompetente atu hala’o servisu ho diak PM xanana iha nia kompetensia hotu atu troka. 

 “Ministerio no Sekretariu Estado sira ne’ebe mak la kompotente ona, Primeiru Ministru bele halo resavel (Remodelasaun) halo fali ‘pergantian’ tau fali ema sleuk, Timor oan ne’ebe mak keta cocok (iha kapasidade) liu ka apropriado liu nia iha ‘bidang’ (parte) ida ne’e tamba ita husik hela de’it ema laiha kapasidade naton atu halao servisu, ne’ebe ba hau, hau dezafia Primeiru Ministru tinan rua mai mak Ministru no Sekretariu Estado balun la dun iha prestasaun, reesavel, reesavel ne’e laos buat pekadu ida, maibe ne’e hanesan tradisaun demokratika, progresu iha kualifikasaun de prestas ba iha Governante sira,” informa Prezidenti CNJTL, Leogivildo Hornai. 

 Prezidenti CNJTL ne’e hatutan, durante IV Governu Konstitusional mai to’o iha V Governu, besik tinan ida ona maibe problema iha Dili laran barak maka Ministerio kompotente seidauk rezolve hanesan problema kona ba sinais tranzito, Terminal becora no Tasi Tolu la funsiona, fatin ba negosiante ikan nian seidauk iha no buat kikoan barak mak seidauk rejolve. 

Selae, Leovigildo Hornai hateten, Parlamentu Nasional (PN) tinan-tinan aprova orasamnetu biliaun deit maibe rejultadu ezekusaun husi Ministeriu laiha no problema barak mak Timor Leste sei infrenta nafatin. Ho hanoin CNJTL nian atu halo remodelasaun ba membru Governu sira ne’ebe mak laiha kapasidade tanba ho ezekusaun OJE mak bele fo servisu ba joventude sira. 

 “CNJTL hanoin katak, karik maka tinan rua husi 2013 to’o 2014 la iha mudansa nafatin, ezekusaun orsamentu la’o nafatin hanesan marka pasu, PM lalika lakon tempu, diak liu hasai tiha Ministru ne’ebe la kompotente tau fali Diretor ka Sekretariu Estadu ne’ebe maka kompotente, tamba ita nia estadu nene’e sumber osan atu halo kresimentu Ekonomia ne’e no atrai investimentu no mos loke kampu de serviso ne’e mai husi orsamentu do estadu hotu,” dehan nia. 

Tamba ne’e, Prezidenti CNJTL ne’e hatutan, estrutura Ministeriu sira nian tenki iha kualifikadu par abele hala’o servisu Ministeriu nian.

.