“Mandatu Extra-Ordinaria Long Obstaklu ba PNTL”

.

Jornal Independente - Segunda-feira, 24 Junho 2013 

Mandatu extra-ordinaria Komandante Jeral Polisia Nasional Timor Leste (PNTL) hahu tinan 2013 to’o 2015, fo dezafiu boot ba Komisariu Longuinhos Monteiro atu hadia lei no regra, liuliu iha pratika implementasaun lei nian. 

Vice Diretur Fundasaun mahein (FM), Joao Almeida hateten kestaun ne’e tanba, durante ne’e publiku dala barak kestiaona konaba atetude no atuasaun husi membru PNTL ne’e sei hanesan sadik no obstaklu ba dezenvolvimentu instituisaun. 

 “Ami haree katak, importante Longuinhos (Komisariu PNTL) tenki hadia diak liu tan buat ne’ebe mak seidauk atinji kona ba kna’ar PNTL nian hanesan ezekusaun lei no orden, importante mak hadia diak liu tan lei no ordem, importante mak hadia diak liu tan regra, liuliu iha parte implementasaun regra lei nian,” Hateten Vice Diretor Fundasaun mahein Almedia ba Jornalista sira, iha ninia servisu fatin,’ Balide Dili foin lalais. 

Tuir observasaun FM katak, dala barak akontese, Polisia rasik halo julgamentu iha estrada hasoru ema ne’ebe halo krime. Tuir nia katak, lolos nuudar Polisia hala’o lei no orden labele halo julgamentu, tanba investigasaun mak bele prova ema ne’e halo ka lae, i Tribunal mak bele desidi. 

Entaun ho kontinuasaun mandatu hirak ne’e importante avalia servisu hirak nee ho kondisaun servisu saida mak akontese iha instituisaun nia laran. 

 “Kontinuasuan mandatu komandu Jeral Presiza avalia no rona saida mak preokupasuan ba membru PNTL sira infrenta atu nune’e, bele fornese diak liu tan, ita haree hanesan formasaun lei no direitus humanus tanba buat ida ne’ebe ami haree katak, durante ne’e ita nia intensifika liu formasaun fizika ninian liga ho unidade espesial Polisia ninian,” hateten Almeida. 

Nune’e Joao Almeida, husu ba Sekretariu Estadu Seguransa no Polisia Nasional Timor-Leste (PNTL), atu tenke kordena diak liu tan, tanba haree katak SES mak orgaun aas liu ne’ebe responsavel politika no administrasaun seguransa nian ne’ebe instituisaun PNTL tutela. 

 “Ita presiza instituisaun rua ne’e iha kordenasaun ida ne’ebe diak tanba, durante ne’e ita akompania iha buat balun ne’ebe entre SES no PNTL iha dezentendementu, por zemplo kazu sosa kilat, hafoin sosa kilat husi Indonezia talves komando Jeral PNTL lahatene ou talves SES lahatene, ne’ebe responsablidade ida ne’e dudu ba mai, nune’e konsekuensia kilat ne’ebe mak sosa iha Indonesia husi Kompania PT. Pindad laiha kualdiade,’” hateten Vice Diretor FM ne’e. 

.