Problema CMATS “TL Selu Advogadu Oras Ida U$600”

.

Jornal Nacional Diario - Segunda-feira, 17 Junho 2013 

Estadu Timor Leste (TL) selu U$600 oras ida ba advogadu internasional husi Inglatera ne’ebe mak atu rejolve problema akordu Certain Maritime Agreement of the Timor sea (CMATS), Alfredo Pires hateten, kontratu ba advogadu husi Inglatera hodi rezolve problema CMATS iha Tribunal Arbitrazen selu deit tuir limitus internasional ne’ebe iha. 

“Normalmente, advogadu Senhor dala ruma oras ida ita bele selu U$500 to’o U$600, se advogadu kiikoan liu horas id abele selu U$100, mas ne’e presu internasional ne’ebe normal,” dehan Alfredo Pires ba Jornalista hafoin partisipa enkontru konsellu Ministru extraordinaria iha Edifisiu MNEK, sesta (14/6). 

 Alfredo dehan, advogadu sira ne’e iha ekipa, agora konforme ida-idak fo sira nia oras ne’ebe uja hodi hakerek dokumentus hotu para rai diak, se aban bain rua presiza halo fiskalizasaun rum abele aprezenta hotu. 

 “Saida mak hau bele dehan, agora advogadu ne’ebe mak ita iha kuaze diak liu iha mundu, no nia hanesan advogadu ida ne’ebe avansadu liu iha mundu ba asuntu tasi nian ho nia kolega ida naran Faun Low,” hateten Alfredo Pires. 

Governante ne’e dehan, iha mos advogadu sira seluk ne’ebe ajuda atu hola parte ekipa no aumesmu tempu governu hare hela joven advogadu Timor nian atu partisipa mos iha ne’eba. 

“Hau bele dehan, laos hau lakohi fo sai hotu informasaun lubuk ida tanba ita atu tama iha kazu advogadu entaun informasoens ou detailus ami tenki rai metin, tanba ida-idak sei projete ninia kazu wainhira aprezenta iha Tribunal,” esplika Alfredo Pires. 

Nia dehan, hanesan iha kazu ruma ba arbitrasaun tenki lori advogadu hanesan ho Chonocophilips ho kompania sira seluk ne’ebe roblema taxa nian lori ekipa husi Amerika nian, Irene Fox.

.