Jornal Nacional Diario - Kinta-feira, 20 Junho 2013
Primeiru Ministru (PM) Xanana Gusmao rekonese katak, durante tinan
lima ba kotuk nu’udar Ministru Defesa no Seguransa (MDS) nunka fo
atensaun maximu ba segurans ano Defesa.
Tanba ne’e, iha tinan ida ne’e ba oin nudar MDS sei fo atensaun
maka’as ba instituisaun PNTL no Instituisaun FALINTIL-Forca Defesa
Timor Leste (F-FDTL) hodi deskute kona ba servisu ne’ebe mak hala’o
ona no servisu ne’ebe mak resiza halo tan.
Aleinde ne’e, atu kapasita nafatin parte seguransa no defeza nian hodi
prepara dadauk ona ba ASEAN no ba CPLP ninian.
“Periodu extra-ordinaria ne’e hau mos iha tinan lima kotuk ne’e hau la
dun fo atensaun mas tinan ida ne’e ba oin ne’e atu komesa dadauk ona
tau atensaun ba defeza no seguransa hodi haree dadauk ona prozesaun ba
PNTL bainhira ita prepara dadauk ba ASEAN ne’e oin nusa, CPLP oin
nusa, para iha ona ideas klara ida atu kapasita nafatin ofisiais
superiores husi Polisia ninian,” dehan PM Xanana.
PM Xanana ne’ebe mak assume mos MDS iha semana mai ne’e sei halao
enkontru ho Consellhu Superior Policia nian atu deskute konaba
programa no kalendariu diskusaun, nune’e fo atensaun dadauk ona ba
instituisaun PNTL nian.
,
Sem comentários:
Enviar um comentário
Nota: só um membro deste blogue pode publicar um comentário.