“MJ: Defensor Tenki Kuidadu Ho Envolope”

.

Jornal Independente - Segunda-feira, 24 Junho 2013 

Ministru Justisa (MJ), Dionisio da Costa Babo Soares hatete, sai defensor ba povu no nasaun tenke kuidadu ho envlope tanba, bele hamosu korupsaun iha instituisaun nia laran. 

 “Hau hakarak informa ba defensor sira atu kuidadu ho tentasaun sira husi ema sira ne’ebe iha osan hakarak hola justica, tentasaun sira hirak ne’e tenke kuidadu ho envolope, tanba bele hamosu korupsaun iha instituisaun no servisu nia laran,” Hateten Ministru Babo ba Jornalista sira bainhira fo posse ba defensor estaziariu, iha Edifisiu Defensoria Publiku, Mascarinhas, Dili, Sesta liu ba. 

Nia dehan, agora ne’e ema hotu-hotu bele hetan servisu, iha salariu maibe, tenke hanoin prinsipiu ne’ebe mak sira kuda ona iha ai-laran, sira nunka husu perdiem, nunka husu sa’e kareta vidru metan, uza telefone gratuita maibe, ami dudu malu ba mate, mate ona,” haktuir Babo. 

 Ho fiar no hanoin katak, sir abele dezenvolve nia rai ho laran, osan ema hotu-hotu presiza maibe, osan ne’ebe mak hetan tenki ho maneira lezitima. 

Nia dehan, mekanismu ne’ebe atu regulariza defensores publiku liu-liu kona ba envlope ne’e lei estabelese ona iha defensoria rasik, nia dehan, Defensor sira mos iha mekanismu legais atu koalia kona ba dezenvolvimentu kareira. 

 “Hau hanoin dezenvolve sira nia an maibe, importante ho lei sira ne’ebe mak iha bele observa diak liu tan oinsa atu bele hala’o sira ninia kareira,” hateten Babo. 

.