FRETILIN Husu KAK Investiga PN “Joao Rui: Prontu Ba Hatan”

.

Jornal Nacional Diario - Tersa-feira, 18 Junho 2013 

Membru Parlamentu Nasional (PN) husi Bancada FRETILIN sei aprezenta kazu deskonfia korupsaun mosu iha Parlamentu Nasional ba Komisaun Anti Korupsaun (KAK) hodi halo investigasaun. 

“Bazeia bah au nia fiskalizasaun rasik hatudu faktus tanba hau hanesan mos membru Konsellu Administrasaun PN, hau hanoin prosesu aprovizionamentu iha PN mak la lao tanba ne’e kuaze 28 kontratu ne’ebe mak aprovizionamentu la hatene no prosesu aprovizionamentu la lao maibe pagamentu la’o, hau hanoin presiza investiga didiak atu ita bele hatene didiak prosesu sira iha PN,” deklara deputadu Osorio Florindo ba Jornalista sira iha PN Segunda (17/6). 

Maske nune’e, iha deklarasaun politika bancada FRETILIN ne’ebe fo sai husi deputadu Osorio Florindo iha Plenaria segunda (17/6) katak, fiskalizasaun ne’ebe halo husi deputadus no membru husi Bancada FRETILIN ba prosesu aprovizionamentu, ekipamentus divizaun teknolojia informatika no responsablidade divizaun patrimonia lojistika parlamentu nian. 

 Nia hatutan, iha fiskalizasaun ne’e hatudu preokupasaun no merese kondenasaun maka’as husi PN tamba hatun dignidade no imajen PN, relasiona ho kna’ar fiskalizasaun ne’ebe investe ho poder konstitusional atu husu governu hodi presta responsablidade ba reprejetante povu nian sai mihis no la folin tanba la haree abuzu poder no naok iha PN. 

“Hau koalia sai ona hanesan ne’e dala ruma sira bolu kompania mai fali hodi halo kontratu, hau hanoin ida ne’e ita tenki antisipa tamba kontratu laiha, hau fiar sira sei halo kontratu maibe lista ne’ebe iha hatudu katak, sasan nia folin barak mak manipula no sasan rasik laiha iha PN,” dehan Osorio Florindo. 

Maske nune’e, Eis Sekretariu Jeral Parlamentu Nasional Joao Rui Amaral hatete, durante nia mandatu hala’o tuir regras ne’ebe mak iha, ne’ebe tuir kompetensia Sekretaria Jeral ninia maibe keta iha indikasaun koruosaun ruma no iha evidensia rum abele lori ba oin. 

“Hau iha ne’eba dirante tinan tolu tutuir malu apartir 2009 to’o hau sai no 2012 ninia mos auditioria sempre tama iha ne’eba, auditoria ninka detekta kona ba asuntu ne’ebe make ma koalia, agora dadauk no se karik sira foti iha sira nia deklarasaun politik hau la senti buat ida tamba durante auditoriu husi deloit ninian, auditoria internasional independente ne’ebe tama mai buat hotu-hotu ne’ebe mak ami halo ona ne’e sempre tuir regras kontablidade internasional ninian, tantu rejultadu hau husik hela iha hau nia relatoriu ne’ebe mak hau entrega ba SEKJER PN,” hateten eis Sekretariu jeral PN Joao Rui Amaral ba jornalista sira iha Palacio Governu. 

“Hau nunka senti katak hau halo buat ne’ebe la los tanba prosesu hotu-hotu sempre iha ninia dokumentus ne’ebe bazeia ba ida ne’eba hau nunka sente katak, halo buat ne’ebe sala, se sala karik auditoria bele detekta hodi bele hetan ida ne’e,” dehan Joao. 

Nia dehan, desde uluk wainhira sosa kareta Pajero ba iha segundu lejislatura ne’e mos ema kondena hela nia maibe to’o ohin loron ema seidauk bolu nia, maibe dala ida polisia investigasaun nasional mak bolu nia duni ba iha ne’eba hodi koalia kona ba kareta ninia, maibe nia hatete ba sira katak osan restu ho montante U$154 mil ital fo fila ba kaisa jeral do estadu hodi nune’e uza ida ne’e mak ba hola fila fali kareta sira seluk hanesan Pik Ap 2, Mini Bus 2, Motorizada 15 maibe sei iha balansu ne’ebe mak sei fila-fali ba kaisa jeral do estado. 

“Hau la envolve diretamente dehan katak, fo kompania ida ne’e ka ida seluk neeba, la’e buat hotu-hotu liu husi sistema aprovizionamentu no lao tuir regras aprovizionamentu ninian, hau nunka hateten katak, tenki kompania ida mak manana, se sira rekomenda ida ne’e mak los no ikus mai ita haree se la los,” nia dehan. 

Nune’e, Eis Sekjer PN Joao Rui Amaral hataan ba perguntas Jornalista sira nian katak, los ka la’e iha item balun laiha kontratu laran maibe selu hotu, hatan kona ba los ka lae item balun laiha iha kontratu maibe slue hotu? 

Joao Rui hatana katak,” Hau hanoin katak, Item ne’e ita agora koalia lia natureza no material ne’e saida, projeitu ne’e saida, mak ita atu identifika saida mak item, tanba iha ne’eba iha buat barak. 

“Hau garante dehan katak buat sira ne’e sira informa mai hau dehan katak los hotu atu pronto mais durante ne’e la iha keisa ida, sasan kuandu tama mai ne’e iha ninia ‘Ainer Mairen’ hotu nune’e liu husi ekipa avalaisaun karik tekniku sira mak subar mai hau karik mais sira hateten mai hau ne’e buat hotu-hotu kumpletu hotu ona,” tenik Joao Rui. 

Iha fatin hanesan, deputadu Mateus de Jesus husi Bancada CNRT husu ba meja atu toma konsiderasaun no haree fila fali buat ne’e, ita hatudu ita nia liman ba ema seluk maibe ita nia ain hun rasik mak hanesan ne’e, it abele koalia ba ita nia valor ne’e laiha, ne’ebe husu se bele karik konsidera bele haree karik buat ruma hetan duni ninia evidensia ruma tenki halo ninia prosesu, ne’ebe Komisaun G sente buat ne’e importante tebe-tebes.

,