“Inundasaun Iha Suai, Na’in Tolu Mate”

.

Jornal Independente - Segunda-feira, 24 Junho 2013 

Udan Boot monu rai hamosu inundasaun bee sa’e iha Suku Kamanasa no Suai Loro, Distritu Covalima hamate ema na’in tolu (3), no ema 221 (Atus rua rua nolu resin ida), konsege evakua ba fatin seguru. 

 Inundasaun maka’as ne’e akontese, iha sabadu (22/6) iha Suku Suai Loro, Sub Distritu Suai Vila, Distritu Covalima. 

“Ema nain tolu ne’e mate tanba (tensaun) trauma ho be’e sa’e kuaze metro ida hodi halo komunidade suku rua ne’e evakua husi hela fatin ba fatin seguru,” dehan Komunidade Suai, Julio Salsinha Domingo (23/6), liu husi Viatelefone. Julio dehan, bee sa’e mai husi mota fera Ulun husi Suku kamnasa no Suku Suai Loro. 

Matebian nain tolu ne’e, Polisia lori halai tiha ba Hospital rejional Covalima. Julio hateten, uma kain 221 husi suku kamnasa, Suai Loro Evakua ona ba eskola ensino baziku Ladi, Suku kamnasa. Oras ne’e udan sei tau nafatin iha are arefere, no mota mos boot ba beibeik. 

Tuir nia, informasaun ne’e konsege halo Primeiru Ministru Kay Rala Xanana Gusmao paniku bainhira partisipa aniversariu eskola Kay Rala Xanana Gusmao ne’ebe halo tinan 10, iha Distritu Manatutu. 

Bainhira xefe Governu rona informasaun ne’e, nia tenta hodi ba observa direita kondisaun mota iha ne’eba, maibe udan la f fatin, no kondisaun Estrada husi natarbora ba Kovalima la duun diak.

.