“Projeitu Estrada Same Ilegal”

.

Jornal Timor Post - Tersa-feira, 18 Junho 2013 

Deputadu sira husi Kmisaun E ne’ebe trata asuntu Infraestrutura Transporte no Komunikasaun konsidera despaisu Primeiru Ministru (PM) Kay Rala Xanana Gusmao fo fiar ba kompania TINOLINA kaer estrada iha Same ne’e ilegalmente, tanba laiha dokumentu ne’ebe komprovadu. 

“Estrada husi Suku Holarua ba to’o Simpan Tiga kuaze (7 KM) no estrada sanak ki’ik iha vila laran kuaze (4 Km), ami tun ba halo fiskalizasaun kompania sira komesa ke’e estrada sira ne’e, ami husu autoridade sira iha ne’eba sira rasik dehan la hatene,” Deputadu Manuel Castro membru Komisaun E ba Timor Post Iha PN, hafoin Plenaria, Segunda (17/6). Bainhira deputadu sira husi Komisaun E konfirma ba Sekretariu estadu Obras Publika (SEOP), Projeiru ne’e AND (Azensia Dezenvolvimentu Nasional) ho Primeiru Ministru xanana Gusmao maka fob a kompania Tinolina. 

Estrada ne’e ba Ministeriu Obras Publiku fo konesementu deit, hau rasik husu orsamenti hira, Sekretariu Estadu dehan U$11 Miloens, maibe ami tenta ba diretor nia supervisor, estrada ne’e dezenhu ho BOQ (Buill Off Quantity) seiduak iha, kontratu seidauk iha, buat hotu sei iha hela nasional, maibe servisu kompania lao dadauk, pior liu sub tan fali ba kompania seluk,” deputadu ne’e haktuir, bazeia ba fiskalizasaun iha semana kotuk. 

Kompania kiik sira ne’e halo, kada metru kuadradu ida hetan U$49 dolar,” se kada metru kuadradu ho servisu ke’e, hada no reboka, hetan U$49 dolar entaun Tinolina hetan fali hira?”. 

“Ital abele halimar ho sasan sira hanesan ne’e, agora ADN ho Primeiru Ministru hasai tiha kompetensia Ministeriu Obras Publiku (MOP) nian, diak liu dehan ba Primeiru Ministru taka tiha Ministeriu sira ne’e, husik ADN ho Primeiru Ministru deit mak haree projeitu sira ne’e,” nia kestiaona. 

 Nune’e mos deputadu Antoniono Bianco husi Bancada FRETILIN mos preokupa ho funsionamentu nstituisaun estadu, lao rungu ranga deit ona. “Se bele rekursu humanu iha ADN tenki muda hotu ba Ministeriu Obras Publiku nia okos atu nune’e bele halo kontrolu diak liu tan, implementasaun projeitu sira lao hamutuk ho ekipa ida deit.” Dehan Bianco. 

Tuir deputadu Manuel castro, Ezekusaun projeitu emerjensia ne’e la tuir prosedimentu normais ho nia orsamentu boot ho total U$ 11 miloens.

.