Jornal Nacional Diario - Segunda-feira, 17 Junho 2013
Primeiru Ministru Kay Rala Xanana Gusmao nia politika durante ne’e
sofistifikadu diak tebes, atu nune’e ema ida labele deskobre ou laiha
duni ema bele deskobre, maibe iha tempu opoprtuinu ida ne’e, eis
rezistensia ne’e rasik koalia ho abertamente konaba ninia luta
politika ne’ebe mak durante ne’e nia adopta.
Iha Estudante Universidade Dili (UNDIL) no Dosente UNDIL nia oin, PM
Xanana deklara katak,” se-se deit maka iha Timor ne’e, lalika koalia
politika ho hau to’o hau mate, hau mate tiha imi bele kolaia buat
barak, enkuantu hau hau sei moris politika iha Timor ne’e laiha, ida
ne’e hau nia aviza ba imi,” sublina Kay Rala Xanana Gusmao, wainhira
hala’o Dialogu ho Estudante no Dosente Universidade Dili foin lalais
ne’e.
Xefi Governu ne’e hatutan katak, se deit iha Timor ne’e, atu CPD-RDTL
ou Movimentu Estudante Universidade Timor laran tomak mos, kesar to’o
iha ne’ebe deit, nia parte nunka hakfodak, maibe dehan Xanana, se mak
bok Governu, Governu sei dulas sira.
Tanba ne’e, Xefi Governu ne’e husu ba estudante sira UNDIL ne’e la
bele book Governu fakar osan arbiru deit, tanba politika nain sira mos
seidauk iha ema ida atu brani book governu.
Xanana mos husu ba Timor-oan hotu ne’ebe hakarak halo politika, tenke
aprende barak liu tan hodi forma partidu mak bele hasoru nia.
“Labele tebe rai iha kotuk deit, sai tiha politika nain ona mak bele
deskute buat hotu, hodi hatene prosesu dezenvolvimentu rai laran,”
Xanana afirma.
Maibe katak Xanana, politiku nain sira ne’e la’os atu hatudu forsa,
maibe politiku nain ne’e atu koalia ibun ho ibun, hodi hatudu matenek.
Xefi Governu hakarak atividade skolares hotu iha Timor laran lao ho
diak ho respeita, labele iha failansu tanba eskola sira ne’e mak kria
ema matenek.
,
Sem comentários:
Enviar um comentário
Nota: só um membro deste blogue pode publicar um comentário.