PM Xanana Gusmao: “Autor Justisa Tenki Fair”

,

Jornal Timor Post - Segunda-feira, 17 Junho 2013 

Primeiru Ministru (PM), Kay Rala Xanana Gusmao husu ba autor justisa sira tenke fair (Leal ka justu) ba julgamentu kazu Hera, Ministeriu Publiku Ejizi atu Tribunal hamonu sentensa tinan 15-20 ba autor, tanba akuza autor tiru mate joven ida. 

“Hau mos dehan ba Prezidenti Republika katak, problema Hera se husi Justisa la konsidera fator hotu-hotu ne’ebe involve ba kazu ida ne’eba, entaun justisa salah hotu ona, ne’e hau mak dehan,” PM Xanana hateten ba Josnalista siram Kinta (13/6) iha Palasiu prezidensial Nicolau Lobato Bairo-Pite, hafoin hasoru malu ho PR Taur Matan Ruak. 

Xefi Governu hato’o kestaun ne’e, tanba tuir nia, wainhira sei joven asiste advogadu sira hala’o julgamentu iha Tribunal, iha malae ida kaben ho Timor, iha tempu Portugues, Xefe governu momentu ne’eba gosta tebes tanba autor justisa ne’e defende, maske xefe governu dehan buat ruma la los, maibe autor justica ne’e defende ho kapaas tebes. 

“Ne’e justica ne’e laos haree deit ba lei-lei, be naran sa ona, maibe tenki hare mos ba fator hotu-hotu, kondisionalismu hotu-hotu ne’ebe halo buat ida ne’e mosu,” nia dehan. 

Nia mos hatutan, bainhira fiar justica, ema ida-idak bele la rekonese nia sala,” ema bele dehan sunu uma mai dehan lae, polisia kaer no baku ema mak dehan fali viola direitus humanus, depois tama fali kadeia,” PM xanana esplika. 

Kona-ba akuzasaun suspeitu sira halo sala, Xanana dehan,” Laos dehan katak sira (suspeitu-red) la sala, bele sala, laos hau maka dehan la sala, mas Ministeriu Publiku no tribunal tenke buka kazu nia hun,” PM Xanana afirma. 

“Maski hau ba rai liur, hetan urgulhu husi komunidade internasional sobre ita nia servisu, maibe ita sei infrenta atual kondisaun instituisaun, tanba sei fraku, tanba ne’e hua husu politika labele kaor iha instituisaun justisa,” nia dehan tan. 

Entertantu, foin lalais nee, Xefe Governu Vizita prizaun Gleno, Ermera, Prizioneira balun halerik ba justica iha Timor Leste, tanba la dun transparante hare ba situasaun no kondisaun tomak. 

Tanba ne’e, membru governu sira ne’ebe mak ba kadeia tanba korusaun U$4000, maibe sira senti justica ne’e la fair ba povu, tanba povu balun hela kleur iha prizaun, ne’ebe hein ba hein balun arquiva tiha. “Justca atu fair ne’e laos hasai ema boot no hatama ema boot ba kadeia, mais justica atu fair, povu senti justica ne’e loos ka lae? konsidera aspeitu hotu-hotu,” PM Xanana haktuir. 

Relasiona ho problema ne’e, PM Xanana gusmao informa ona ba PR Taur Matan Ruak, koalia ho Tribunal no Ministeriu Justica inklui Prokuradoria Jeral kona-ba kazu Hera. 

,